Se non podes ver ben este boletín, fai click aquí

Mércores, 09/11/2022

As persoas con dano cerebral reclaman o 'cumprimento dos seus dereitos' nun acto coa Valedora do Pobo

FEGADACE organizou, o día 26 de outubro, un accto de lectura do manifesto do Día do Dano Cerebral coa Valedora do Pobo. Un grupo de persoas usuarias de ADACECO, ADACE Lugo, Alento, DCA Ourense e Sarela, xunto co presidente de FEGADACE, reivindicou a accesibilidade cognitiva como garantía do pleno exercicio dos seus dereitos nun acto na compaña da Valedora do Pobo. A semana anterior, o pleno do Parlamento de Galicia aprobara unha Declaración institucional apoiando as demandas do movemento asociativo.

Máis noticias:

Presentado en Ames o libro de Os Bolechas 'Mireia conta que é o dano cerebral adquirido' con Pepe Carreiro
Lectura e sinatura do conto para o público infantil da biblioteca do Milladoiro.

FEGADACE habilita unha canle online para a selección de persoal
A través da sección 'Traballa connosco' pódense buscar ofertas e enviar o currículo de maneira espontánea.

Xinzo acolleu un curso para coidadores/as sobre atención no fogar ao dano cerebral
Diríxese tanto a persoal dos Servizos de Axuda no Fogar como a familiares e coidadores/as informais.

O CERMI saúda a aprobación do novo baremo de valoración do grao de discapacidade
Amplo acordo entre o Estado, as Comunidades Autónomas e o tecido asociativo da discapacidade.

Fai un xesto solidario coas persoas con dano cerebral nas túas compras online
FEGADACE súmase a Wapsi, unha ferramenta que recada fondos para ONGs sen cargo para o/a consumidor/a.

AS NOSAS ASOCIACIÓNS

O boletín de outubro de ADACECO recolle a información máis importante da conmemoración coruñesa do Día do Dano Cerebral: xornada, breakfast solidario, manifesto e unha colaboración especial co Deportivo.

Ciclo de encontros virtuais e presenciais das persoas con dano cerebral de Lugo: ADACE Lugo conmemorou o 26 de outubro con esta actividade, a lectura do manifesto e unha exposición fotográfica.

Un grupo de persoas usuarias de Alento participaron na VI Xuntanza de Discapaciquad, achegándose ao mundo do motor adaptado xunto ás súas veciñas e veciños de APAMP Vigo e do barrio de Navia.

A asociación DCA Ourense pon en marcha un 'Grupo de benestar físico'. As persoas con dano cerebral traballan capacidades como forza, coordinación, equilibrio ou flexibilidade.

Nace A Nosa Lareira, un espazo web para as persoas coidadoras de Sarela. Inclúe recursos e ferramentas para o día a día, relacionarse e compartir tempo, coñecementos e experiencias.

Promoción da Saúde na Laracha

FEGADACE participa nas Xornadas de Promoción da Saúde da Laracha. A traballadora social vai impartir unha charla sobre o dano cerebral o mércores 16 de novembro ás 19:30. Ademais, a mostra 'Punto e seguido' pode verse aquí: PeopleArt Factory.

Necesidades do colectivo

Trala conmemoración do Día do Dano Cerebral, as necesidades das persoas e familias con esta discapacidade continúan en proceso; o seu resumo está nesta sección: estratexia de atención, código diagnóstico, censo ou coordinación sociosanitaria.

Federación Galega de Dano Cerebral (FEGADACE)

Rúa Galeras, 17, 2º, Despacho 5 - 15705 Santiago de Compostela

881 943 148 • 659 177 709

Darme de baja