¿Quieres recibir este boletín en castellano? // Buletina gazteleraz jaso nahi duzu?

62. buletina / 2023-03-30

Lanbide Heziketa: ETHAZI eredua

ETHAZI da Euskadiko Lanbide Heziketan gaur egun finkatzen ari den ikaskuntza eredua, Etekin Handiko Zikloak deritzona. Erronketan oinarritutako ikaskuntza kolaboratiboa da eta lau ardatz garrantzitsu dauzka: intermodularitatea, zikloko irakasle autokudeatuak, ebaluazio jarraia eta antolakuntzaren malgutasuna (ordutegiak, espazioak…).

Ikusi bideoa (Euskaraz - 5 min.)

Bideoa: Tknika

Irudia: Tknika (2022), Erronka baten kronograma

Zer dira metodologia aktiboak?

Ikasleak ikaste prozesuaren erdigunean kokatzen dituen metodologiak dira, Zikloko Konpetentzia Teknikoak garatzeaz gain, Zeharkako Konpetentziak (talde lana, komunikazioa, digitalizazioa etab.) garatzea laguntzen dutenak. Ikasleek, ikaskuntza kooperatiboan oinarrituz, errealitatearekin lotura duen arazo egoera bati irtenbidea bilatu beharko diote, horretarako behar dituzten eduki pilulak bilatuz eta aplikatuz.

Ikusi bideoa - (Euskaraz - 20 min.)

Ebaluazioa Etekin Handiko Zikloetan

Bizi garen gizarte aldakorrera egokitzeko, XXI. mendeko profesionalak etengabe ikasten jarraitzeko gaitasuna izan behar du. Erronketan oinarritutako elkarlaneko ikaskuntza-ereduak ikaslea jartzen du erdigunean. Autoikaskuntza eta ebaluazio hezitzailean jartzen da fokua, irakasle taldeak zikloari buruzko ikuspegi partekatua izanik.

Irakurri gehiago - (Euskaraz - 20 min.)

Irudia: Tknika (2022), Ebaluazioaren elementuak ETHAZIn

LanHezi Proiektua

Enpresen eta Lanbide Heziketako ikastetxeen arteko lankidetzan, Gipuzkoako ekosistema sozioekonomikoan eta etorkizuneko enpleguaren kalitatean eragiteko ezagutzaren sorkuntza. Ikastetxe eta enpresen arteko lotura indartzea da proiektu honen helburu nagusia, hauen beharrak identifikatu eta gerora errepikagarriak eta jasangarriak izango diren mekanismo eta ekintzak sortuz.

Irakurri txostena - (Euskaraz - 30 min.)

LanHezi: prozesua eta ondorioak

ETHAZI ereduaren baitan, enpresa eta Lanbide Heziketako ikastetxeen artean azaldu diren beharrak eta hobekuntza proposamenak azaleratzen dira eskuliburu digital honetan.

Irudia: LanHezi (2022)

Gure helbide elektronikoa:
kolaborategia.huhezi@mondragon.edu

¿Quieres recibir este boletín en castellano? // Buletina gazteleraz jaso nahi duzu?

Buletina jasotzeari utzi nahi diozu? | Harpidetza datuak aldatu nahi dituzu?

Creative Commons 2022 Mondragon Unibertsitatea. Humanitate eta Hezkuntza Zientzien Fakultatea.