Ás 17:00 horas do sábado 6 de xullo entraron no mar na Praia do Preguntoiro (Vilaxoán, Vilagarcía de Arousa) as 100 deportistas que participaron na 2ª Travesía a Nado Polo Dano Cerebral. Unha proba deportiva inclusiva, na que participaron nadadores e nadadoras con e sen dano cerebral adquirido e acompañantes de apoio das deportistas con discapacidade. Os e as 15 deportistas con dano cerebral adquirido levan desde setembro adestrando, primeiro en piscina e despois en augas abertas, co apoio dos membros deArousaman – Arousawoman, en técnicas de respiración, flotación e natación adaptada ás secuelas que presenta cada unha das participantes.
|
