¿Quieres recibir este boletín en castellano? // Buletina gazteleraz jaso nahi duzu?

59. buletina / 2022-11-29

Erabiltzailearen esperientziaren diseinua aplikazio eta plataforma digitaletan 

Munduko enpresa berritzaileenek osagai bereizgarri bat dute amankomunean: produktuak diseinatzerako orduan, erabiltzailea zentroan kokatzen dutela.

Zerbitzu digitaletan oinarritzen diren punta-puntako enpresa teknologikoek (konbinatuta trilioi bat dolar balio dutenak) beraien mugetatik haratago joatea lortu dute. Nola? Produktu eta zerbitzu berriak sortzerako orduan, diseinuaren eraldatze gaitasunari esker. Erabiltzaileen beharrei erantzuna emateko eta esperientzia berdingabeak eskaintzeko helburuz, diseinua lehentasun bilakatu dute beraien prozesuetan.

Ikusi dokumentala (Ingelesez)

Trailerra: InVision

Irudia: Interaction Design Foundation

Erabilgarritasuna, erabiltzailearen esperientziaren parte

Zer da Erabiltzailearen esperientzia? Zer da erabilgarritasuna? Zein ezaugarrik osatzen dute interfazeen erabilgarritasuna? Sarritan hauek nahasi egiten dira, baina erabilgarritasuna erabiltzailearen esperientzia osatzen duten elementuetako bat da, bereziki zaindu beharrekoa produktu digitalak diseinatzerako orduan.

Irakurri gehiago - (Ingelesez - 15 min.)

Itxura eta erabilgarritasuna, orekan

Produktuen itxurak erabiltzailearen pertzeptzioan eragin zuzena du, erabiltzailearen esperientzia baldintzatuz. Hala ere, beharrezkoa da itxura eta erabilgarritasunaren arteko oreka egokia lortzea, bien arteko loturak esperientzia esanguratsuagoak sortzen dituelako. Hau lortzeko, Gestalt teoriaren printzipioak kontuan izatea ezinbestekoa da, edukiak sortzeko ere oso baliagarriak eta kontuan izan beharrekoak.

Irakurri gehiago - (Ingelesez - 7 min.)

Irudia: Jan (Pixabay)

Erabiltzailearen esperientzia e-learning plataformetan

Erabiltzailearen esperientziaren jatorria marketing-a da, baina e-learningaren esparruan ere aplikatu daiteke. Hainbat arrazoi daude ikasleek ikasketak alde batera uzteko, baina sarritan e-learning plataformak eskaintzen duen erabiltzaile esperientzia txarra da errudun nagusia. Nola hobetu e-learning plataformetan erabiltzailearen esperientzia?

Irakurri gehiago - (Gazteleraz - 30 min.)

Psikologia: eguneroko objektuetatik, produktu digitaletara

Duela 30 urte baino gehiago publikatu zen La psicología de los objetos cotidianos liburua, hala ere, oso esanguratsua izaten jarraitzen du, diseinuaren oinarrizko printzipioetan oinarritzen delako. Nahiz eta foku nagusia produktu industrialen diseinuan jarrita izan, produktu digitalen erabiltzailearen esperientziarekin oso lotura estua du, liburuaren premisa nagusia erabilgarritasuna baita.

Irudia: Jacques Carelman

Gure helbide elektronikoa:
kolaborategia.huhezi@mondragon.edu

¿Quieres recibir este boletín en castellano? // Buletina gazteleraz jaso nahi duzu?

Buletina jasotzeari utzi nahi diozu? | Harpidetza datuak aldatu nahi dituzu?

Creative Commons 2022 Mondragon Unibertsitatea. Humanitate eta Hezkuntza Zientzien Fakultatea.