¿Quieres recibir este boletín en castellano? // Buletina gazteleraz jaso nahi duzu?

73. buletina / 2024-04-22

Hezkuntzan pentsamendu sortzailea garatzearen garrantzia

Garunaren % 13 kontzientzia da, eta % 87 subkontzientzia; egunaren %95ean kontzientzia bakarrik erabiltzen dugu.

Subkontzientzian dagoen informazioa estimulu bezala erabili daiteke loturak egin eta ideia berriak izateko. Baina nola? Modu desberdinean pentsatzen ikasi beharko litzateke.

Ikusi bideoa - (Ingelesez - 5 min.)

Irudia: Unplash

Pentsamendu sortzaileari ematen zaion garrantzia

Sarri entzun, irakurri eta aipatzen da sormena XXI. mendeko konpetentzietako bat dela. 2025. urterako zehaztu diren 10 lan-gaitasunen zerrendan agertzen diren trebetasun askotan identifikatu daiteke pentsamendu sortzailearen beharra; hala nola: problema konplexuen ebazpena; sormena, originaltasuna eta ekimena; arrazoitzea, problemen ebazpena eta ideazioa…

Irakurri gehiago - (Ingelesez)

Pentsamendu sortzailearen tokia hezkuntzan

TED talk famatuenetariko bat da 2006an (duela 18 urte) Ken Robinsonek eskainitakoa: Do schools kill creativity? (ikastetxeek sormena hiltzen al dute?).

Baina badirudi urte batzuk pasata egoera ez dela asko aldatu. Irakasten al da sormena espezifikoki eskoletan? Chris Sykorak garrantzitsuak diren zenbait ezaugarri ukitzen ditu; besteak beste kuriositatea eta irudimena.

Ikusi bideoa- (Ingelesez)

Irudia: Pereda | Revista educativa digital

STEM hezkuntza eredua eta sormena

STEM hezkuntza ereduak sormena garatzeko testuinguru aproposa eskaintzen du. Ikasleek beraien kuriositatea pizten duten intereseko gaiak landuz erronkak gainditzeko lana egiten baitute. Chris Sykorak aipatzen dituen konexio neuronalak izateko arlo edo diziplinak uztartzen dira eta taldean egiten denez lana konexio horiek pertsonen artekoak ere izaten dira. Modu honetara arazoak ebazteko eta pentsamendu kritikorako trebetasunak garatzen dituzte ikasleek.

Irakurri gehiago - (Gazteleraz)

Hezitzaileentzako 'Design Thinking'

Pentsamendu sortzailea eta pentsamendu dibergentea eskutik helduta daude eta STEM hezkuntza eredua metodologia aktiboen bitartez gelaratzen dira. Bi arrazoi hauengatik, interesgarritzat jotzen da honako proposamen hau. IDEOk eta Riverdale Country Schooleko irakasleek garatutako erreminta-multzo bat aurkezten da baliabide honetan. Diseinuan oinarritutako prozesu eta metodoak biltzen ditu lehen eta bigarren hezkuntzaren testuingurura berariaz egokituak. Elkarlanean erronkei aurre egiteko modu berriak eskaintzen ditu, eta hezitzaileak sormena lantzeko proposamen berritzaileak eraikitzeko gaitzen ditu.

Irudia: ideo.org

Gure helbide elektronikoa:
kolaborategia.huhezi@mondragon.edu

¿Quieres recibir este boletín en castellano? // Buletina gazteleraz jaso nahi duzu?

Buletina jasotzeari utzi nahi diozu? | Harpidetza datuak aldatu nahi dituzu?

Creative Commons 2023 Mondragon Unibertsitatea. Humanitate eta Hezkuntza Zientzien Fakultatea.