A Lei 8/2021 establece un sistema de apoios ás persoas con discapacidade, dándolles plena capacidade xurídica.
AS NOSAS ASOCIACIÓNS
ADACECO
Durante dez días ADACECO tivo unha estudante en prácticas internacionais no marco da súa colaboración coa UDC. Alejandra Narváez Bedoya estivo na asociación complementando os seus estudos de Mestrado en Discapacidade.
ADACE Lugo
ADACE Lugo organizou unha actividade de Respiro Familiar no Bierzo. Foi unha actividade moi divertida "dende o principio ao fin", con estancia en La Cabaña de los Sueños, en Cubillos del Sil, e múltiples actividades.
Alento
Alento iniciou unha colaboración radiofónica co programa 'Más de uno' de Onda Cero baixo o título de 'Punto e seguido'. De periodicidade quincenal, aborda temas relacionados coa discapacidade e a dependencia.
O presidente da Deputación da Coruña, Valentín González Formoso, visitou a sede de Sarela coa deputada responsable de Política Social, Mar García Vidal, para coñecer o funcionamento e principios de atención ao DCA.
FEGADACE organiza o 30 de maio, en colaboración coa Unidade de Odontoloxía para Persoas con Necesidades Especiais da Facultade de Medicina e Odontoloxía da Universidade de Santiago, a xornada 'A saúde oral, garantía do benestar das persoas con dano cerebral adquirido'. Será ás 17:00 no edificio de Odontoloxía.
RECOMENDACIÓN DE LECTURA
Alertas por ictus e mortalidade por accidentes
As principais causas do DCA son protagonistas. Por unha banda, a Sociedade Galega de Neuroloxía celebrou a súa reunión anual informando de que as alertas por ictus acadaron as 2.409 en 2023. Pola outra, malos datos sobre accidentes de tráfico: a mortalidade aumentou un 16% no primeiro trimestre deste ano.
Federación Galega de Dano Cerebral (FEGADACE)
Rúa Galeras, 17, 2º, Despacho 5 - 15705 Santiago de Compostela
