Se non podes ver ben este boletín, fai click aquí

Mércores, 07/09/2022

A I Carreira e Andaina Solidaria Camiñando Polo Dano Cerebral volve o 18 de setembro

Trala decisión de adiar a I Carreira e Andaina Solidaria Camiñando Polo Dano Cerebral, prevista para o mes de xuño, FEGADACE incluíu na proba categorías escolares e convocou esta actividade o domingo 18 de setembro. Así, a inscrición está aberta en Carreiras Galegas para maiores de 16 anos -categoría absoluta-, sub 16, sub 14, sub 12, sub 10, sub 8 e chupete. Todas as categorías contarán con agasallos e sorpresas. Tamén se poden facer achegas ao Dorsal 0.

Máis noticias:

Servizos sociosanitarios de proximidade para a autonomía persoal no dano cerebral
FEGADACE pon en marcha un novo proxecto en zonas rurais co apoio da Fundación La Caixa.

Neuroloxía actualiza a guía de coidados ao final da vida tras un ictus
A SEN publicou a guía de recomendacións  'Manual de Coidados Paliativos no Paciente con Ictus'.

Aberto o acceso á xustiza gratuíta a persoas con discapacidade por neglixencias médicas
Unha sentenza do Tribunal Constitucional recoñece este dereito á familia dun adolescente que tivo un ictus.

Consulta a Guía de Axudas Sociais e Servizos para as Familias de 2022
O documento do Ministerio de Dereitos Sociais inclúe entre outras prestacións para dependencia.

Fai un xesto solidario coas persoas con dano cerebral nas túas compras online
FEGADACE súmase a Wapsi, unha ferramenta que recada fondos para ONGs sen cargo para o/a consumidor/a.

AS NOSAS ASOCIACIÓNS

A asociación coruñesa organiza o 22 de outubro, en colaboración coa Fundación María José Jove, a cuarta edición da súa Xornada sobre Dano Cerebral Adquirido, co lema 'Adaptándonos a unha Nova Realidade'.

As persoas usuarias de ADACE Lugo presentan o primeiro número de Madialeva, unha revista con entrevistas, noticias, unha playlist, actividades de ximnasia cerebral e moito máis, que será trimestral.

Alento vén de publicar en Twitter un interesante fío recompilando propósitos para despois do verán co obxectivo de cambiar os nosos hábitos de vida para a prevención do ictus.

A asociación de dano cerebral de Ourense retomou a actividade o pasado 22 de agosto, con máis persoas usuarias -acadaron as 50- e moitos proxectos para o curso que comeza nas súas recén estreadas instalacións.

Balance positivo da posta en marcha do Punto de Información de Lalín. O acordo de Sarela co concello do Deza inclúe a realización de actividades de sensibilización e información dirixida á poboación e centros educativos.

'Punto e seguido' online

A mostra 'Punto e seguido' vai continuar o seu percorrido no novo curso; en breve anunciarase o programa. Mentres, a colección de fotografías sobre o día o día das persoas con dano cerebral adquirido continúa accesible online en PeopleArt Factory.

Modelo e principios de atención

O movemento asociativo organiza o seu modelo de atención en base aos criterios clínicos e científicos definidos polas autoridades e institucións de referencia. As súas pezas e documentos principais poden consultarse nesta sección.

Federación Galega de Dano Cerebral (FEGADACE)

Rúa Galeras, 17, 2º, Despacho 5 - 15705 Santiago de Compostela

881 943 148 • 659 177 709

Darme de baja