Se non podes ver ben este boletín, preme aquí

Mércores, 06/11/2024

Xornada sobre o Dano Cerebral: 'Dende o asistencialismo ao pleno exercicio de dereitos’

Realizar un percorrido “Dende o asistencialismo ao pleno exercicio de dereitos”, coñecendo con detalle a evolución dos modelos de atención e da abordaxe sociosanitaria do dano cerebral adquirido. Este é o principal obxectivo de Dano Cerebral Galicia na Xornada sobre o Dano Cerebral, que terá lugar na Cidade da Cultura, en Santiago de Compostela, este sábado 9 de novembro. 
A inscrición continúa aberta ata este xoves ás 23:59 hh. e pode tramitarse aquí.

O percorrido histórico realizarase a través da conferencia marco, impartida por Inmaculada Gómez, directora do CEADAC, e dunha mesa sobre a evolución da atención ao dano cerebral adquirido en Galicia. Máis información aquí.

A Rede de Cidadanía Activa denuncia coa Valedora incomprensión e invisibilidade

Integrantes do colectivo e a alta comisionada estudaron conxuntamente vías para canalizar as demandas e reivindicacións das persoas con dano cerebral adquirido nunha reunión que tivo lugar o 4 de novembro.

Demandas da Rede de Cidadanía Activa de Persoas con Dano Cerebral Adquirido

O grupo traballou sobre o decálogo de Dano Cerebral Galicia para encher de exemplos e dotar de máis desenvolvemento as nosas reivindicacións. Son as demandas presentadas á Valedora do Pobo.

Manifesto do Día do Dano Cerebral: 'Pola garantía efectiva da continuidade asistencial'

O tecido asociativo organizou múltiples conmemoracións en torno ao 26 de outubro, e tamén ao 29 do mesmo mes, Día Mundial do Ictus, como a campaña de sensibilización en colaboración coa Renfe

Apróbase a 'Declaración de Valencia sobre transformación dixital xusta e inclusiva'

Asinada no Congreso de CERMIS Autonómicos, quere ser unha guía para todos os actores comprometidos con construír un futuro no que a tecnoloxía e a dixitalización actúen como ferramentas de equidade.

AS NOSAS ASOCIACIÓNS

O boletín de Dano Cerebral A Coruña ADACECO anuncia o seu cambio de nome para incorporarse á marca común, resume a actividade do Día do Dano Cerebral e promociona a venda de lotaría de Nadal a beneficio da asociación.

No marco da conmemoración do Día do Dano Cerebral, ADACE presentou o seu novo nome: Dano Cerebral Lugo. O acto tivo lugar na sede da Deputación e contou coa directora, a presidenta, unha usuaria e unha socia fundadora.

Cada xoves, un grupo de persoas usuarias de Alento realizan sesións de natación no Campus de Vigo na compaña de Aitor de Luis, nadador e colaborador de Dano Cerebral Galicia, dentro da iniciativa 'Nado polo dano cerebral'.

DCA Ourense creou un Grupo de Axuda Mutua para persoas con dano cerebral adquirido; trátase dun espazo de intercambio de experiencias, emocións e desafíos que pretende romper co illamento que causa a discapacidade.

Celebración do Día do Dano Cerebral coa reclamación dunha mellor atención ás persoas e familias no momento en que saen do hospital nunha andaina pola cidade histórica organizada por Dano Cerebral Santiago de Compostela.

Entrega do 12º Premio Dano Cerebral Galicia - Miguel Blanco ao CPAP de Bergondo

Dano Cerebral Galicia recoñece no Centro de Promoción da Autonomía Persoal (CPAP) de Bergondo "un exemplo inspirador para que todas as administracións e poderes públicos, así como axentes privados, avancen na materialización do enfoque de dereitos" na atención ao dano cerebral. O acto de entrega do 12º Premio Dano Cerebral Galicia - Miguel Blanco será na Xornada sobre o Dano Cerebral (o sábado ás 11:40) e estará conducido por Montserrat Terceiro, da Rede de Cidadanía Activa.

Premio Dano Cerebral Galicia - Miguel Blanco: unha traxectoria de 12 anos

Enmarcada na liña de incidencia política e defensa de dereitos que desenvolve Dano Cerebral Galicia, a historia deste galardón remóntase a hai máis dunha década, cando o programa radiofónico Convivir en igualdade recibía o primeiro. Máis adiante o premio incorporou o nome do coñecido neurólogo, estreito colaborador do asociacionismo desaparecido prematuramente en 2015. Leva recoñecido a doce persoas e entidades comprometidas co noso colectivo.

Dano Cerebral Galicia

Rúa Galeras, 17, 2º, oficina 5 - 15705 Santiago de Compostela

881 943 148 • 659 177 709

Darme de baja