Este mes adiamos o boletín para poder presentarvos todas as actividades conmemorativas que organizamos ADACECO, ADACE Lugo, Alento, DCA Ourense, Sarela e FEGADACE polo 26 de outubro, e que comezaron hoxe cunha Declaración institucional no Parlamento de Galicia con motivo do Día do Dano Cerebral. Estas son as principais convocatorias da Federación:
Xornada sobre Dano Cerebral Adquirido, co lema 'Adaptándonos a unha Nova Realidade', o 22 de outubro, lectura do manifesto na Praza de María Pita o día 26 ás 12:00 e unha fermosa colaboración co Deportivo. Máis aquí.
ADACE Lugo
Mesa informativa e lectura do manifesto diante do Concello de Lugo o día 26 de outubro. Semana de encontros virtuais das persoas usuarias do centro con distintos colectivos. Máis aquí.
Alento
Volve Alento na Rúa (no CEIP Castelao de Navia), lectura do manifesto o 26 de outubro, e presenza os días 25 (exposición Punto e seguido) e 29 (mesa informativa) no hospital Álvaro Cunqueiro. Máis aquí.
Renacer
Actividades en torno ao novo centro: xornada de portas abertas para presentalo e carpa informativa (con actividades deportivas, un mural e máis) no parque que está a carón da entidade. Máis aquí.
Sarela
Recepción na Praza do Obradoiro dun grupo de persoas con dano cerebral que están a facer o Camiño de Santiago, con lectura do manifesto, o día 26. Mesas informativas en ata seis localidades da área. Máis aquí.
Presentamos as nosas principais efemérides de referencia, ademais do 26 de outubro, e dispoñibilizamos o arquivo completo de manifestos reivindicativos para visibilizar a evolución histórica das nosas demandas e necesidades desde 2014.
Federación Galega de Dano Cerebral (FEGADACE)
Rúa Galeras, 17, 2º, Despacho 5 - 15705 Santiago de Compostela
