Se non podes ver ben este boletín, fai click aquí

Mércores, 06/03/2024

8 de marzo de 2024: que fai a túa contorna social e laboral pola inclusión das mulleres?

O compromiso de FEGADACE coa igualdade de trato e de oportunidades, así como coa non discriminación por razón de sexo, é unha cuestión transversal para a Federación. Dese xeito está reflectido no II Plan de Igualdade de FEGADACE, vixente desde 2023, no que se define como obxectivo aplicar a perspectiva de xénero en "todas as áreas, políticas e decisións da entidade". Este 8 de marzo lanzámonos a preguntar se a túa empresa ten Plan de Igualdade, que fai a túa contorna pola inclusión das mulleres, e como se pode facilitar a inserción laboral das mulleres con discapacidade.

FEGADACE convértese en embaixadora da iniciativa educativa Héroes do FAST

O premiado proxecto, presente en máis de 35 país, sensibiliza a alumnado escolar na prevención do ictus.

FEGADACE retoma os obradoiros de sensibilización en centros escolares

As sesións diríxense a alumnado de educación infantil e primaria e baséanse no conto dos Bolechas sobre o DCA.

FEGADACE traslada as súas demandas ás principais candidaturas a presidir a Xunta

Nos últimos días mantivéronse encontros con representantes de BNG, PP, PSdG e Sumar.

O portal de acceso aos trámites electrónicos da Administración incorpora a lectura fácil

A páxina facilita a comprensión de materiais informativos e procedementos administrativos.

AS NOSAS ASOCIACIÓNS

ADACECO incorpora dúas estudantes de 4º de Terapia Ocupacional en prácticas. Poderán traballar coas persoas con dano cerebral e formarse no enfoque asociativo da atención.

Unha das patas que compoñen a rehabilitación multidisciplinar do dano cerebral adquirido é a da inclusión e participación social a través do goce do lecer: en ADACE Lugo disfrazáronse e foron comer un cocido polo entroido.

Alento creou unha bolsa de emprego para 'Técnicos/as de coidados auxiliares de enfermería' e 'Técnicos/as de coidados en institucións sanitarias'. Sería para vacantes no centro de día e tamén na residencia.

DCA Ourense organizou unha festa de entroido coa temática da selva, na que se disfrazaron de diferentes animais. A área de Educación Social tamén organizou outras conmemoracións, como o Día de Rosalía ou San Valentín.

Sarela abre un punto de información en Rianxo, nas dependencias municipais de Servizos Sociais Comunitarios. Tamén atende á poboación de Dodro e Lousame. Súmase aos da Estrada, Ribeira, Arzúa, Lalín e Mazaricos.

Formación superior en asistencia persoal

FEDACE lanza unha formación online para a que está aberta a inscrición que se titula 'Programa superior universitario de asistencia persoal no dano cerebral adquirido'. Inclúe un programa de pilotaxe a desenvolver durante dous meses en ADACE Lugo e Sarela. Diríxese a persoas tituladas en ciclos do ámbito sociosanitario.

Normas e leis

Esta sección inclúe a normativa autonómica, estatal e internacional que recolle os dereitos das persoas con discapacidade e en situación de dependencia. FEGADACE quere salientar a reforma da Constitución, que renovou o artigo 49 para adaptalo á lexislación internacional erradicando o termo "diminuídos".

Federación Galega de Dano Cerebral (FEGADACE)

Rúa Galeras, 17, 2º, Despacho 5 - 15705 Santiago de Compostela

881 943 148 • 659 177 709

Darme de baja