¿Quieres recibir este boletín en castellano? // Buletina gazteleraz jaso nahi duzu?

54. buletina / 2022-04-29

Teknologia digitalak haurtzaroan

Asko dira pantailak haurtzaroan erabiltzearen kontrako ahotsak, baina errealitateak esaten digu askotan eskaintzen dizkiegula, askotariko helburuetarako. Funtsean, “Zertarako?” galdera egin beharko genioke geure buruari, haurrei pantaila bat eskaintzea erabaki kontzientea den edo ez jakiteko. Baina gaia are konplikatuagoa izan daiteke: nola lagundu erabilera egokia egiten? Non markatu muga dependentziarik ez sustatzeko? Helduok eskain ditzakegun bidelaguntza eta gidaritza digitala dira gakoak. Ondorengo bideoan, 0-12 urte bitartean bidelaguntza egiteko proposamen bat dago.

Ikusi bideoa (Gazteleraz - 20 min.)

Bideoa: En TIC confío

Irudia: TU lankide

Teknologiaren balio erantsia

Teknologia digitala (tabletak, telebista, mugikorra…) eskaintzen diegunean haurrei, aparteko zerbait eskaintzeko izan beharko litzateke. Zergatik egin modu digitalean eskuz edo modu “analogikoan” egin daitekeen zerbait? Bada, zerbait desberdina eskaintzen duelako: bestela ikasteko aukera, beste estimulu batzuk, komunikazio sistema alternatiboak edo handigarriak, beste kultura batzuk ezagutzeko aukera...

Entzun gehiago (Euskaraz - 19 min.)

Pantailen erabilera umeengan: eraginak eta gomendioak

Gaur egungo umeak beste testuinguru batean bizi dira, inguru digitala gain hartzen duena. Jokoaren arauak aldatu egin dira: pantailen erabileraren eraginak ezagutzea beharrezkoa da, hezitzaile gisa erabakiak hartzeko.

Irakurri gehiago (Gazteleraz - 30 min.)

Irudia: Pixabay

Sharenting arduratsua

Shareting ingelesezko share (partekatu) eta parenting (ondua) hitzak konbinatzean sortzen da. Guraso askok bere seme-alaben irudiak partekatzen dituzte, lehenengo ekografiatik hasita. Seme-alaben aztarna digitala sortzeaz gain, espero ez ditugun ondorioak izan ditzake, besteak beste, ezezagunek irudiak ikustea, zabaltzea edo asmo komertzialetarako erabiltzea. Seme-alaben pribatutasuna zaintzea oso garrantzitsua da eta praktika hauen inguruko kontzientzia eta prebentzioa sustatzea

behar-beharrezkoa.

Irakurri gehiago (Euskaraz - 10 min.)

Haurtzaroa eta pantailak

Liburu honen helburua da lehen haurtzaroan adingabeen eta pantaila interaktiboen arteko elkarreraginaren ikerketan ekarpena egitea. Irekian zabaltzen da, arlo horretan interesa duten akademiko guztiengana iristeko, baita ardura duten hezitzaile eta familiei ere, txikienei teknologia osasuntsu, arduratsu eta hezitzaile erabiltzen lagunduko dieten kalitatezko baliabideak hautatzeko eta eskaintzeko.

Irudia: Infancia y pantallas

(Gazteleraz)

Gure helbide elektronikoa:
kolaborategia.huhezi@mondragon.edu

¿Quieres recibir este boletín en castellano? // Buletina gazteleraz jaso nahi duzu?

Buletina jasotzeari utzi nahi diozu? | Harpidetza datuak aldatu nahi dituzu?

Creative Commons 2022 Mondragon Unibertsitatea. Humanitate eta Hezkuntza Zientzien Fakultatea.