¿Quieres recibir este boletín en castellano? // Buletina gazteleraz jaso nahi duzu?

69. buletina / 2023-12-27

Zer da pentsamendu konputazionala?

Pentsamendu konputazionala programazioarekin lotu izan ohi da, alor teknologikoko konpetentzia soil bezala kontsideratuz. Linda Liukas ilustratzaile eta programatzaile finlandiarrak ahalegin berezia egin du pentsamendu konputazionala txikienei (eta bide batez gizarte osoari) zabaltzeko.

Ikusi bideoa (Ingelesez - 3 min) 

Argazkia: EduHacking

Zein da errealitatea hezkuntzan?

Curriculum dekretu berrian Lehen Hezkuntzan eta Bigarren Hezkuntzan aipatzen da pentsamendu konputazionala. Jose Luis Serrano, Murtziako Unibertsitateko irakasleak, modu argian azaltzen du zein den ikastetxeetako errealitatea eta irakasleak arlo honetan garatzeko pausoak azaltzen ditu.

Irakurri gehiago (Gazteleraz - 8 min)

Pentsamendu konputazionalaren oinarriak hezkuntzan

Pentsamendu konputazionalaren oinarriak Seymour Papert-ek (1980an) eta Jeanette Wing-ek (2006an) zehaztu zituzten. Ordutik egindako ikerketa eta analisiek pentsamendu konputazionalaren onurak aipatzen dituzte arazoen ebazpenean, sormenean, pentsamendu kritikoan eta ikaskuntza kooperatiboan. Guzti honi buruz hitzegiten du Linda Liukasek elkarrizketa honetan.

Irakurri gehiago (Ingelesez - 20 min)

Irudia: educacióntrespuntocero

Irudia: Elhuyar

Baliabideak eta proposamenak

Gero eta gehiago dira sarean aurki daitezkeen baliabideak pentsamendu konputazionala lantzeko. Mundu mailan code.org erakundeak proposatutako baliabideak oso ezagunak dira. Era berean, bereziki hasierako etapatan unplugged edo entxufatu gabeko pentsamendu konputazionala ari da indarra hartzen: proposamen honen bidez pentsamendu konputazionalaren oinarriak lantzen dira gailu teknologikorik gabe. Ildo honetan dator Hello Ruby proiektua ere eta euskarara ekarritako liburua ere.

Irakurri gehiago (Ingelesez - 10 min)

Computational Thinking Education in K-12

Pentsamendu konputazionalean hezteko gida bat da liburua eta honetaz gain, adimen artifizialeko alfabetatzea eta konputazioaren eta objektu fisikoen integrazioa ere lantzen ditu. Jeanette Wing-en hitzetan,  pentsamendu konputazionala “guztiontzako funtsezko trebetasuna baita, ez informatikarientzat bakarrik”. Horregatik da garrantzitsua hezkuntzako etapa guztietan kontuan izatea.

Irudia: MIT Press direct

Gure helbide elektronikoa:
kolaborategia.huhezi@mondragon.edu

¿Quieres recibir este boletín en castellano? // Buletina gazteleraz jaso nahi duzu?

Buletina jasotzeari utzi nahi diozu? | Harpidetza datuak aldatu nahi dituzu?

Creative Commons 2023 Mondragon Unibertsitatea. Humanitate eta Hezkuntza Zientzien Fakultatea.