¿Quieres recibir este boletín en castellano? // Buletina gazteleraz jaso nahi duzu?

66. buletina / 2023-07-20 

KoLaborategia 2022-2023 ikasturtean

2022-2023 ikasturtea amaitu dugu eta, buru-belarri ibili ostean, ikasturte emankorra dela esan dezakegu. Buletin honetan, esku artean izan ditugun proiektuen lagin bat bildu dugu. Datorren ikasturtean gehiago! Bitartean, gure webgunean topatuko gaituzue. 

Irudia: KoLaborategia

Argazkia: Antoine Beauvillain (Unsplash)

Gazteak eta sare sozialak

Gipuzkoako Foru Aldundiaren laguntzarekin, gazteek sare sozialak nola erabiltzen dituzten aztertzeko ikerketa bat egin genuen. Tartean, EAEko nerabeek gazteen nortasunari eta sare sozialen erabilerari buruz zituzten kezkak eta jarrerak aztertu genituen. Artikulu honek ikerketan jasotako datuak, horien analisia eta ondorioak jasotzen ditu.

Irakurri artikulua

Be[di]girada: filosofia gizarte digitalean 

Gaur egungo eta etorkizuneko dilema digitalak begirada filosofikotik lantzeko asmoz, Wikipediarekin elkarlanean, gida didaktiko bat sortu dugu irakasleentzat, gelan mundu fisikoa/birtuala, algoritmoak, eta teknologiaren intentzionalitatea bezalako gaiei buruzko hausnarketa sustatzeko.

Ezagutu Be[di]girada proiektua gertutik

Irudia: KoLaborategia

Bideoa: Humanitate eta Hezkuntza Zientzien Fakultatea

Ikastetxeko Proiektu Digitala

Joan den ikasturtean, Arizmendi Ikastolako Almen gunean Ikastetxeko proiektu digitala garatzeko bidelaguntza prozesu bat jarri genuen martxan. Hori oinarri hartuta, aurten, TKNIKA Euskadiko Lanbide Heziketaren Ikerketa Aplikatuko Zentroaren bitartez, Lanbide Heziketako 35 ikastetxerekin lanean aritu gara, beren Ikastetxeko Proiektu Digitala garatzen laguntzen. 

Ezagutu Arizmendi Ikastolako esperientzia 

Transferentzia proiektuak

KoLaborategiak harreman estua du hezkuntza erakundeekin eta gure ikertzaileek beren espezializazio alorreko ekarpenak egin dituzte hainbat transferentzia proiektutan. Esaterako, ikastetxeen plan digitalak, diziplinarteko proiektuak eta online ikastaroak egin ditugu, besteak beste, honako eragileekin elkarlanean: Kristau Eskolak, TKNIKA, MONDRAGON ezagutza dibisioa, HABE, Amurrioko Zabaleko Ikastetxea eta Altsasuko Iñigo Aritza Ikastola.

Ezagutu KoLaborategiaren lana gertutik

Bideoa: KoLaborategia

Kongresuetako partaidetza 

KoLaborategian ezinbestekotzat dugu hezkuntza eta komunikazio arloetako adituen lanaren jarraipena egitea, baita gure jardunean zein ikerketetan ikasitakoa komunitatetarekin partekatzea ere. Horregatik, ikasturte honetan, kongresu askotan izan gara egungo baliabide, erronka eta joerak ezagutzen, eta horietako batzuetan aktiboki ere hartu dugu parte, komunikazioak aurkeztuz edo antolakuntzan lagunduz: CITIE, EDUTEC, EduMed, ETEN, IkerGazte, JUTE, Virtual USATIC eta CIMIE.

Ezagutu KoLaborategiaren lana gertutik

Norbere Ikaskuntza Inguruneen gida (PLE)

Norbere Ikaskuntza Ingurunea edo Personal Learning Environment (PLE) nola ikasten dugun hausnartzen laguntzeko kontzeptu gakoa da. Gida honetan, Lehen Hezkuntzatik hasi eta Batxilergorainoko ikasleekin PLE lantzeko proposamena dago. Laster izango da eskuragarri sarean modu irekian, Nafarroako Bakea eta Elkartasuna fundazioaren atariko hezkuntzarako baliabide metodologikoen atalean, beste hainbat gidarekin batera.

Irudia: FPS Navarra 

(Gazteleraz)

Jardunaldiak

Ikasturtean zehar, hainbat jardunaldi antolatu ditugu, eta hemen jaso dugu horietako hiruren berri:

Hezkuntza digitalaren erronkak eta aukerak aztertu genituen Bilbao AS Fabrik campusean. Amaia Arroyo Sagastak eta Cristina Sánchez Romerok zuzendu zuten topaketa.

STEM esperientziak partekatzeko online jardunaldian STEM proiektuekin lotutako hiru ekimenen berri eman genuen, DBHko irakasleen ahotik: STEMotiv, 3Kimu eta ZTIM HUB.

Enpresen eta Lanbide Heziketako ikastetxeen arteko lankidetzaz hausnartzeko webinarra antolatu genuen LanHezi proiektuaren baitan, Amaia Azpitartek eta Lander Etxezarretak gidatuta.

Gure helbide elektronikoa:
kolaborategia.huhezi@mondragon.edu

¿Quieres recibir este boletín en castellano? // Buletina gazteleraz jaso nahi duzu?

Buletina jasotzeari utzi nahi diozu? | Harpidetza datuak aldatu nahi dituzu?

Creative Commons 2023 Mondragon Unibertsitatea. Humanitate eta Hezkuntza Zientzien Fakultatea.