¿Quieres recibir este boletín en castellano? // Buletina gazteleraz jaso nahi duzu?

70. buletina / 2024-02-01

Adimen artifiziala hezkuntzan

Ikusi bideoa (Gazteleraz - 5 min.)) 

Argazkia: e-aprendizaje bloga

AA eta hezkuntza: ebidentzien bila

Gaiaren bueltako iturri fidagarriak ezagutzeko, sare sozialak oso erabilgarriak dira. Bertan, David Álvarez Jiménez da jarraitu dezakezuen aditu eta aritu interesgarri bat. Urteak daramatza teknologia eta hezkuntzaren arteko harremana lantzen eta bere blogean ekarpen sakonak eta landuak egiten ditu. Honetan, AA eta hezkuntzaren arteko harremanean dauden ebidentzien inguruan aritzen da.

Irakurri gehiago (Gazteleraz - 20 min.)

Baina… zer da AA?

Oinarrizko kontzeptuak ezagutzeko gogoz bazaude, horietara gerturatzeko euskarazko baliabidea eskaintzen dizugu. Bideo honetan, Beñat Erezumak gako batzuk eskaintzen ditu. Hiru bideotako lehenengoa da.

Ikusi bideoa (Euskaraz - 37 min)

Irudia: Empantallados.com

Zein da guraso, adingabe eta irakasleen erabilera eta pertzepzioa?

Empantallados eta GAD3 enpresek aurkeztutako 5. ikerlan honek 2023. urtearen amaieran egindako ikerketaren datu eta ondorio nagusiak erakusten ditu. Ikerketa Espainiako seme-alaba nerabeak dituzten gurasoen lagin adierazgarri bati, 14 eta 17 urte bitarteko adingabeei eta unibertsitatez kanpoko irakaskuntzako irakasleei egindako inkesta batean oinarritzen da. Publiko horien IAren erabilera eta pertzepzioa aztertzen ditu.

Irakurri gehiago (Gazteleraz - 30 min.)

ChatGPT eta unibertsitate mailako hezkuntza

Adimen artifiziala hemen dago, eta errealitate bat izango da gure ikasleen etorkizunean. Nahiz eta urte batzuk beharko ditugun ChatGPT eta antzeko tresnak produktibitate osoz aprobetxatzeko, liburu honen bidez, bidea lasaitasun eta ezagutza gehixeagorekin zeharkatzen dugu, irakasleei ikasgelan eta gure zeregin akademikoetan modu egokiagoan inplementatzen laguntzeko. Hainbat begirada koordinatzen dira ingurune akademikoetan ChatGPTren jatorria, eragina, alborapenak eta erabilera posibleak azaltzeko.

Irudia: Octaedro

Gure helbide elektronikoa:
kolaborategia.huhezi@mondragon.edu

¿Quieres recibir este boletín en castellano? // Buletina gazteleraz jaso nahi duzu?

Buletina jasotzeari utzi nahi diozu? | Harpidetza datuak aldatu nahi dituzu?

Creative Commons 2023 Mondragon Unibertsitatea. Humanitate eta Hezkuntza Zientzien Fakultatea.