Se non podes ver ben este boletín, fai click aquí

Martes, 05/12/2023

FEGADACE lanza unha campaña de sensibilización sobre ocio inclusivo

A Federación Galega de Dano Cerebral (FEGADACE) lanza unha campaña de sensibilización sobre ocio inclusivo para persoas con dano cerebral adquirido. A iniciativa, presentada na 16ª edición da Feira das Culturas Galegas Culturgal e enmarcada dentro do ‘Proxecto Rumbo', procura concienciar ao sector da cultura e o entretemento sobre as barreiras físicas, comunicativas, cognitivas, sensoriais e socioeconómicas que enfrontan as persoas con dano cerebral adquirido cando queren ser parte dunha actividade lúdica no seu tempo libre.

O Culturgal acolle a presentación da nova campaña sobre ocio inclusivo e accesible

Diríxese a profesionais de empresas do sector ou con competencias en equipamentos culturais.

Ábrese a primeira edición do curso sobre DCA, alimentación, deglutición e nutrición

A formación é gratuíta e realizarase en formato online desde o 18 de decembro até o 31 de xaneiro de 2024.

O CERMI reclama a aprobación de medidas para unha mobilidade inclusiva efectiva

É a principal demanda do manifesto polo Día Internacional e Europeo das Persoas con Discapacidade.

Actualízase 'Cousas que debes saber cando alguén da túa familia está no hospital'

A reimpresión, financiada polo Grupo Tragsa, amplía e mellora os contidos da publicación informativa.

Rede de Cidadanía Activa, unha plataforma de participación para persoas con DCA

A nova publicación en Eroski Consumer expón as metas e modelo de funcionamento desta ferramenta.

A Federación súmase un ano máis á campaña de sensibilización 'Baixo o mesmo paraugas'

Impulsada por entidades de acción social, busca visibilizar os dereitos das persoas con discapacidade.

AS NOSAS ASOCIACIÓNS

ADACECO visitou o Centro de Investigación TIC da Universidade da Coruña para coñecer novos dispositivos de realidade virtual. As persoas usuarias probaron aplicacións deseñadas para fomentar habilidades físicas e cognitivas.

A asociación luguesa realizou varias sesións informativas en centros escolares da cidade co obxectivo de sensibilizar ao alumnado sobre o dano cerebral adquirido e a realidade das persoas que teñen esta discapacidade.

A Deputación de Pontevedra colabora con Alento na mellora do servizo residencial especializado. A asociación recibe 5.329,84€ do ente provincial a través da convocatoria de subvencións a entidades sen fins de lucro para o eido social.

DCA-Ourense realiza sesións de logopedia nas que un xogo de palabras online, o Wordle, serve de ferrament aliada para traballar a rehabilitación de diferentes habilidades cognitivas e de comunicación.

Sarela estrea tenda solidaria online. No espazo virtual poderán adquirirse os produtos artesanais e feitos a man polas persoas usuarias dos servizos de atención ao dano cerebral da asociación santiaguesa, así como realizar encargos.

Plan de Igualdade 2023-2027 de FEGADACE

A Federación conta cun novo Plan de Igualdade e un Protocolo para a prevención e tratamento dos delitos e condutas contra a liberdade sexual e a integridade moral no traballo. Os documentos, vixentes os vindeiros catro ano, son froito dun proceso participativo iniciado no mes de marzo. Podes consultar a información resumida dos novos documentos premendo aquí, así como acceder ao texto de ambos e descargalos na sección de Transparencia da nosa web.

Recomendación de lectura

A semana pasada diferentes medios recolleron a información do novo simulador endovascular que xa está en funcionamento no Complexo Hospitalario de Santiago (CHUS). Esta ferramenta permitirá potenciar, aumentar e mellorar o uso da técnica de trombectomía nas e nos pacientes con ictus, pois o persoal médico pode recrear casos reais de patoloxías vasculares agudas. Consulta a nova completa premendo aquí. (Foto de Sandra Alonso - La Voz de Galicia).

Federación Galega de Dano Cerebral (FEGADACE)

Rúa Galeras, 17, 2º, Despacho 5 - 15705 Santiago de Compostela

881 943 148 • 659 177 709

Darme de baja