Na véspera do Día Nacional do Dano Cerebral Adquirido, o Parlamento de Galicia acolleu un acto de lectura do manifesto elaborado polo movemento asociativo estatal para visibilizar as súas demandas co gallo da efeméride, decretada en 2007 polo Consello de Ministros co obxectivo de mobilizar á sociedade e de implicala na prevención. Persoas usuarias de ADACECO, Alento e Sarela puxeron voz ás reividindicacións, centradas este ano en sensibilizar arredor das secuelas invisibles da discapacidade.
A plataforma que agrupa a máis de 28 mil entidades reclama máis dereitos e diálogo civil.
AS NOSAS ASOCIACIÓNS
ADACECO
ADACECO publica o seu boletín dixital mensual coa recompilación das novidades do último mes. As actividades deportivas, lúdicas e reivindicativas en conmemoración do Día Nacional do DCA centran os contidos de outubro.
O Club Ourense Baloncesto visitou DCA Ourense para coñecer a asociación e achegarse á práctica da boccia. Ademais, usuarias participaron nunha exhibición desta modaldiade paralímpica antes dun partido do equipo local.
Betanzos, Santiago e Lugo son as localidades que acollerán as tres últimas charlas do ciclo de sesións informativas sobre prevención do ictus e doutras causas do DCA que organizamos en colaboración con Afundación. A asistencia é de balde sendo precisa a inscrición previa e diríxese a persoas maiores de 50 anos, un dos colectivos en risco de sufrir un accidente cerebrovascular. Consulta as datas e horarios de cada charla pulsando aquí.
SECCIÓN DESTACADA
Recomendación de lectura
Segundo un recente estudo publicado pola Comisión de Neuroloxía da Organización Mundial do Ictus (WSO) e The Lancet Neurology Commissions, en 2050 o número de falecementos por ictus no mundo aumentará nun 50%, alcanzando os 9,7 millóns de mortes anuais, de non tomarse medidas urxentes. Consulta na nosa web as recomendacións do informe para frear esta cifra mediante accións nas áreas de vixilancia, prevención, coidados intensivos e rehabilitación.
Federación Galega de Dano Cerebral (FEGADACE)
Rúa Galeras, 17, 2º, Despacho 5 - 15705 Santiago de Compostela
