Se non podes ver ben este boletín, fai click aquí

Luns, 04/04/2022

Novos tempos nun mundo dixital: V Encontro de Profesionais de FEGADACE

A pandemia axilizou o proceso de dixitalización no que estaba inmerso o movemento asociativo do dano cerebral. Especialmente durante o confinamento, Federación e asociacións trasladaron ao eido online todo o volume de traballo que lles foi posible. Pasado o tempo, e avanzado en programas de redución da fenda dixital, chegou o momento de avaliar e diagnosticar a situación. FEGADACE traballa nun Plan de Transformación Dixital que inclúe formación, como a que se vai desenvolver na Cidade da Cultura de Santiago de Compostela o vindeiro 23 de abril.

Máis noticias:

Como previr o dano cerebral: atención e control dos seus factores de risco
Unha nova colaboración de FEGADACE con Consumer explica como axudar a evitar ictus e traumatismos.

Participamos na mesa de traballo comunitaria do Plan Obesidade Zero Galicia
FEGADACE colaborou na revisión da proposta realizada polo Sergas para a prevención do sobrepeso.

O CERMI Galicia crea unha 'Comisión de Deporte e Vida Saudable'
FEGADACE é un dos membros do novo grupo de traballo, que pretende detectar barreiras no acceso ao deporte.

Fai un xesto solidario coas persoas con dano cerebral nas túas compras online
FEGADACE súmase a Wapsi, unha ferramenta que recada fondos para ONGs sen cargo para o/a consumidor/a.

AS NOSAS ASOCIACIÓNS

Nova xornada do proxecto #NadoPoloDanoCerebral para as persoas usuarias de ADACECO na piscina municipal de Dorneda, en Oleiros. Vídeo aquí.

ADACE Lugo retoma os seus obradoiros sobre o dano cerebral en Rábade. O traballador social, Pablo Freire, falou das causas e secuelas e presentou os servizos da asociación.

As persoas usuarias de Alento participaron nos últimos días en saídas e paseos por Mos, Samil, Bouzas ou Castrelos. Gozaron do sol e do seu contorno promovendo a súa inclusión social.

A Asociación Renacer continúa coas actividades de Voluntariado Protexido: persoas con dano cerebral colaboran na clasificación e reparto de alimentos dun centro residencial de Ourense.

A asemblea de persoas socias de Sarela, celebrada o 25 de marzo, aprobou os orzamentos e proxectos para 2022. A documentación está dispoñible no apartado de Transparencia da web da asociación.

Información e prevención

Nos vindeiros días organizamos sesións informativas en Ponteareas (5 de abril), Cuntis (día 6), Verín (o 18) e Dumbría (o 20). A mostra 'Punto e seguido' pode verse no CHUO ata o mércores, do 18 ao 27 de abril no Hospital de Verín. Accede tamén online á colección de fotografías. 

X Solidaria

Este mércores comeza a campaña da renda. Na sección X Solidaria da web explicamos e incluímos as noticias sobre a importancia de marcar o cadro 106, de 'Actividades de Interese Xeral consideradas de Interese Social', para financiar boa parte dos nosos programas.

Federación Galega de Dano Cerebral (FEGADACE)

Rúa Galeras, 17, 2º, Despacho 5 - 15705 Santiago de Compostela

881 943 148 • 659 177 709

Darme de baja