Nove demandas e un novo nome. Foron moitas as novidades que presentamos o pasado 21 de xuño nun acto que tivo lugar na sede da Valedora do Pobo. Alí anunciamos que deixamos de chamarnos Federación Galega de Dano Cerebral (FEGADACE); e que agora somos Dano Cerebral Galicia. Tamén aproveitamos para presentar as nosas propostas para a lexislatura 2024-2028, encabezadas pola posta en marcha do Proceso Asistencial Integrado do Dano Cerebral Adquirido. Hai máis información aquí.
O deportista repite patrocinio levando a bandeira do dano cerebral ao seu calendario de verán.
AS NOSAS ASOCIACIÓNS
ADACECO
ADACECO participa coa Fundación ENKI, IKEA e o alumnado do Grao de Terapia Ocupacional da Universidade da Coruña nun proxecto para promover a independencia e comodidade das persoas con discapacidade.
As actividades instrumentais da vida diaria son as que necesitamos desenvolver para sermos persoas autónomas. En DCA Ourense traballan a realización de compras, o manexo do diñeiro e o uso do teléfono mediante esta actividade.
O 27 de xuño organizamos no Concello de Vilagarcía a presentacion oficial da 2ª Travesía a Nado Polo Dano Cerebral, que terá lugar o sábado 6 de xullo na Praia do Preguntoiro, en Vilaxoán. Unha actividade deportiva inclusiva con máis de 100 participantes, 15 con DCA.
Tralo primeiro lanzamento, realizado por Dano Cerebral Estatal -antes FEDACE-, a federación galega sumouse a un cambio de marca que nos une coas demais entidades, que axuda a identificarnos coa nosa discapacidade e tamén a recoñecernos publicamente.
Dano Cerebral Galicia
Rúa Galeras, 17, 2º, oficina 5 - 15705 Santiago de Compostela
