'A atención integral sociosanitaria como garantía de calidade de vida no dano cerebral adquirido' é o título da Xornada sobre o Dano Cerebral Adquirido 2022, un encontro que estará centrado na presentación do Proceso Asistencial Integrado do Dano Cerebral Adquirido en Galicia, e no marco do que se fará entrega do 10º Premio FEGADACE - Miguel Blanco a Discamino. Vai ter lugar en Santiago de Compostela o sábado 17 de decembro, de 9:30 a 14:30. A inscrición, para asistir presencialmente ou por streaming, formalízase aquí.
Formación no boletín de novembro de ADACECO: Curso de Dor e Sistema Nervioso Periférico no Paciente Neurolóxico, impartido por profesionais da entidade, e prácticas de Terapia Ocupacional.
ADACE Lugo
ADACE Lugo participa a vindeira semana na Feira Solidaria Diversiarte. O encontro vai ter lugar do 14 ao 16 de decembro na Praza da Horta do Seminario, en Lugo.
Alento
Alento participou na iniciativa 'Baixo o mesmo paraugas' para conmemorar o Día Internacional das Persoas con Discapacidade. O acto tivo lugar na Praza da Estrela de Vigo.
DCA Ourense
Rehabilitación e fins lúdicos na actividade de 'Terapia acuática' de DCA Ourense. Nas sesións trabállanse actividades da vida diaria, mobilidade, relaxación, marcha ou coordinación.
FEGADACE e o Concello de Valdoviño colaboran levando á Sala de Exposicións da Casa da Cultura da localidade a exposición 'Punto e seguido'. Poderá verse ata o 15 de decembro. Ademais, a exposición continúa accesible online aquí: PeopleArt Factory.
FEGADACE realiza un esforzo constante por acumular e difundir coñecemento sobre o dano cerebral adquirido nas dúas diferentes vertentes. Así, organizamos xornadas divulgativas e elaboramos produtos informativos como vídeos ou folletos.
Federación Galega de Dano Cerebral (FEGADACE)
Rúa Galeras, 17, 2º, Despacho 5 - 15705 Santiago de Compostela
