Se non podes ver ben este boletín, fai click aquí

Mércores, 01/06/2022

19 de xuño: Carreira e Andaina Solidaria 'Camiñando polo Dano Cerebral'

A Federación Galega de Dano Cerebral continúa este ano coa liña de promoción duns hábitos de vida saudable a través da organización de actividades deportivas. A próxima cita vai ser o domingo, 19 de xuño, en Santiago de Compostela, coa Carreira e Andaina Solidaria 'Camiñando polo dano cerebral'. A cita deportiva vai percorrer sendeiros e rúas da Alameda e do Campus Sur. A inscrición está aberta en www.carreirasgalegas.org coas modalidades Carreira [4,6 km | 12 euros | Inicio ás 10:00] e Andaina [4,6 km | 6 euros | Inicio ás 11:00].

Máis noticias:

Quedan 5 días para votar a FEGADACE na convocatoria Implícate Más
Queremos reforzar o proxecto de sensibilización 'Dano Cerebral Adquirido: Promove, Entende, Actúa'.

Colaboramos coa Escola Galega de Saúde na formación dos Servizos de Axuda no Fogar
Ciclo de obradoiros para persoal non especializado en dano cerebral na Guarda, Sober, A Laracha e Silleda.

Asinamos un convenio coa Federación de Asociacións de Mulleres Rurais de Galicia
FEGADACE e Fademur van colaborar en accións de sensibilización e prevención do dano cerebral adquirido.

Rehabilitación no dano cerebral adquirido, que opcións hai e en que consisten?
Publicamos unha nova colaboración na revista Eroski Consumer, asinada por profesionais de ADACECO.

FEGADACE súmase ao CERMI na condena das declaracións de Juan García-Gallardo (Vox)
O Comité tacha de infames as verbas do vicepresidente de Castilla y León cara as persoas con discapacidade.

EDAD 2020: 33.400 persoas teñen dano cerebral por ictus e traumatismos en Galicia
Resultados da Enquisa de Discapacidade, Autonomía personal e Situacións de Dependencia do INE.

AS NOSAS ASOCIACIÓNS

O último número do boletín de ADACECO chega cargado de información sobre o proxecto de novo centro da asociación, Nado #PoloDanoCerebral, e moito máis!

ADACE Lugo mergúllase no Día das Letras co apoio das tecnoloxías dixitais. A asociación lucense organizou un obradoiro sobre Florencio Delgado Gurriarán para as persoas usuarias.

Alento colabora no estudo da Calidade de Vida Familiar e Dano Cerebral que promove o INICO, co obxectivo de crear unha escala de calidade de vida das familias das persoas con dano cerebral..

As persoas usuarias de Renacer fixeron unha demostración de boccia coa UD Ourense. A exhibición tivo lugar no descanso dun partido do clube no marco do convenio que o une coa asociación.

Colaboración do Concello de Santiago con Sarela para realizar actividades acuáticas. A asociación de dano cerebral vai desenvolver unha liña de actuación terapéutica e outra lúdica.

Exposición 'Punto e seguido'

A colección de fotografías 'Punto e seguido' pode verse no Auditorio Valle Inclán de Vilanova de Arousa ata o día 16 de xuño. Esa mesma xornada instalarase no centro de saúde de Dumbría, onde vai permanecer ata o 27. Accede á exposición de Aigi Boga tamén online. 

Servizo de Asesoría Xurídica

FEGADACE pon en marcha un Servizo de Asesoría Xurídica destinado a informar, aconsellar e apoiar á súa base social nas cuestións xurídicas relacionadas coa chegada do dano cerebral adquirido ás súas vidas. Na sección informamos do seu funcionamento.

Federación Galega de Dano Cerebral (FEGADACE)

Rúa Galeras, 17, 2º, Despacho 5 - 15705 Santiago de Compostela

881 943 148 • 659 177 709

Darme de baja