Se non podes ver ben este boletín, fai click aquí

Luns, 21/03/2022

'Promove, Entende, Actúa': información e sensibilización sobre o dano cerebral nos concellos

Unha das principais liñas de actuación de FEGADACE é a información e sensibilización, cos obxectivos de dar a coñecer a realidade das persoas con dano cerebral, pero tamén de axudar a previr esta discapacidade. Por iso, no marco do programa 'Dano cerebral adquirido: Promove, Entende, Actúa', organizamos charlas a nivel municipal nas que a nosa traballadora social fala das causas, prevención, atención e rehabilitación do dano cerebral.
As vindeiras citas serán en Ferrol, O Porriño, Caranza (Ferrol), Ponteareas, Cuntis e Verín.

Máis noticias:

Reformada a Lei de Discapacidade para regular a accesibilidade cognitiva
O CERMI celebra o cambio na norma, que prevé a creación dun Centro de Referencia Estatal específico.

Expertas en saúde aseguran que a fenda de xénero inflúe negativamente na cronicidade
'Muller e enfermidade' foi o tema do último almorzo da Plataforma de Organizacións de Pacientes.

Fai un xesto solidario coas persoas con dano cerebral nas túas compras online
FEGADACE súmase a Wapsi, unha ferramenta que recada fondos para ONGs sen cargo para o/a consumidor/a.

AS NOSAS ASOCIACIÓNS

Un grupo de persoas usuarias de ADACECO estivo no Demostrador Tecnolóxico do Centro de Investigación TIC da Universidade da Coruña probando dispositivos de realidade virtual.

ADACE Lugo continúa realizando obradoiros semanais para a redución da fenda dixital dirixidos a familias e persoas con dano cerebral leve; impárteos a súa educadora social.

Alento colabora co ximnasio Máis que auga na realización de actividades deportivas no contorno comunitario; as fisioterapeutas da asociación guían a actividade.

Renacer promove a participación comunitaria co obradoiro 'Revivir Ourense', a través do que un grupo de persoas con dano cerebral realiza saídas nas tardes dos venres co terapeuta ocupacional da asociación.

A Asociación Arousaman doa a Sarela 1.200 euros recadados nesta travesía a nado, coa que se pretende simbolizar as dificultades e medos polas que pasa unha persoa e unha familia con dano cerebral.

'Punto e seguido': Oleiros e Verín

A exposición 'Punto e seguido'  pode visitarse ata este mércores no Centro Cultural A Fábrica de Perillo (Oleiros). En abril, entre os días 18 e 27, a mostra estará no Hospital Comarcal de Verín grazas á colaboración coa Área Sanitaria. Accede tamén online á colección. 

Sensibilización sobre o dano cerebral

Dentro do apartado de Proxectos, FEGADACE expón os relacionados con sensibilización sobre as causas, consecuencias e características do dano cerebral adquirido, dirixidos a unha poboación descoñecedora da nosa discapacidade, co obxectivo de concienciala.

Federación Galega de Dano Cerebral (FEGADACE)

Rúa Galeras, 17, 2º, Despacho 5 - 15705 Santiago de Compostela

881 943 148 • 659 177 709

Darme de baja